Depi kèk jou, plizyè inite espesyalize nan PNH la, nan kad yon misyon espesyal, deplwaye nan komin Mibalè, sitou nan « Terre Rouge » ak Fonds-Cheval, depatman Sant.

Objektif misyon sa se rive demantle yon fwaye gang endividi ak zam ap tante tabli nan zòn lan.

Sou enstriksyon kòmandan an Chèf la, M. Frantz Elbé, ajan UTAG, UDMO-lwès 2 ak UDMO Sant ki angaje nan operasyon sa lajounen kou lannwit mobilize resous nesesè pou pèmèt yo reyisi misyon sa.

Nan kad operasyon sa, plizyè bandi tonbe nan echanj kout bal ak lapolis, pami yo Joseph Janès, chèf gang Fonds-Cheval la, alyas « Avyon » ak yon frè li ki t ap chèche teworize popilasyon sivil lan depi plizyè jou.

Lapolis sezi zam ak konfiske machin, epi arete Roudeline Rémy ki se madanm chèf gang « Avyon », ak Rémy Widenise.

PNH la, ki detèmine, ap pwogrese nan operasyon sa nan lide pou fasilite lib sikilasyon pezib sitwayen yo.

Related Posts

• Universel Magazine
• 24 novembre 2023

Direktè jeneral PNH la Frantz Elbé rankontre ak nouvèl Anbasadè peyi kanada a an Ayiti

Direktè Jeneral Polis Nasyonal Dayiti a, Mesye Frantz Elbé, rankontre jounen vandredi 24 nova ..

• Universel Magazine
• 19 novembre 2023

Lapolis sezi yon fizi ak yon machin pandan yon entèvansyon

Pandan konfwontasyon ak bandi ame, Polis Nasyonal Dayiti rive sezi yon fizi Kalachnikov ak yon ..