Pandan konfwontasyon ak bandi ame, Polis Nasyonal Dayiti rive sezi yon fizi Kalachnikov ak yon machin, dimanch 19 novanm 2023 sa a, vè 2:25 pm, nan Ri La Reyinyon.

Polis nasyonal la fè yon gwo kou jounen dimanch 19 novanm lan. Nan yon afwontman yo te genyen ak kèk bandi ame nan zòn anba lavil la yo rive sezi plizyè materyèl. Materyèl sa yo se yon fizi Kalachnikov ak yon machin.

Daprè yon nòt enstitisyon an pataje sou paj Facebook li, moun ki ame yo te abò yon machin nwa Kia Sportage ak nimewo anrejistreman : AA-16316, te louvri kout zam sou patwouy BI1PAP la. Lapolis, san okenn ezitasyon, te oblije reponn.

Nòt la fè konnen anba gwo kout bal polisye yo, bandi yo te oblije kouri nan koridò e plizyè pwojektil te frape machin ki sispèk la.

Related Posts

• Lenz Beth Ferlyn Alparète
• 30 mai 2024

Konsèy Prezidansyèl la vizite ak evalye avansman travay konstriksyon baz fòs miltinasyonal la

Manm Konsèy Prezidansyèl Tranzisyon yo te vizite epi evalye avansman travay konstriksyon baz ..

• Universel Magazine
• 26 février 2024

Avyon » , Chèf gang Fonds-Cheval la, tonbe ak plizyè lòt akolit li, lapolis sezi zam epi arete 2 fanm

Depi kèk jou, plizyè inite espesyalize nan PNH la, nan kad yon misyon espesyal, deplwaye nan ..